Moskva vilayəti İstra rayon məhkəməsi azərbaycanlı iş adamı Məhərrəm Quliyev (Pokrov Məhərrəm) barəsində ev dustaqlığı ilə bağlı qərar çıxarıb.
ÇıxışYolu.Com Rosbalt-a istinadla xəbər verir ki, o, Rusiya Federasiyası Cinayət Məcəlləsinin 159-cu maddəsilə (dələduzluq) ittiham edilir.
Hüquq-mühafizə orqanlarından Rusiya KİV-ə sızan məlumatlarda deyilir ki, Quliyevə istintaq müddətində çoxlu suallar ünvanlana bilər. Çünki o, Moskvanı meyvə-tərəvəzlə təmin edən ən böyük fiqurlardandı.
“Rosbalt”ın məlumatına görə, Məhərrəm Ağbaş Çingiz və Sabirabadlı Hikmət kimi nüfuzlu “qanuni oğru”larla əlaqə yarada bilib. Daha sonra isə Rövşən Lənkəranskiylə münasibət yaradıb.