Polşada polis prezident sarayına basqın etdi: Keçmiş nazir və müavini
saxlanıldılar – FOTO/VİDEO
Bizim WhatsApp kanalımıza buradan abunə ola bilərsiniz
Polşada böyük siyasi qalmaqal baş qaldırıb.
Polşa polisi prezident sarayına basqın edib və Polşanın keçmiş daxili işlər
naziri Mariuş Kaminski, həmçinin onun müavini Maçey Vonsik saxlanılıblar.
Kaminski və Vonsikin saraya Polşa Prezidenti Andjey Dudanın dəvəti ilə
gəldikləri bildirilir.
Qeyd edək ki, 2015-ci ildə Mariuş Kaminski və Maçey Vonsikə qarşı vəzifə
səlahiyyətlərindən sui-istifadə ittihamı irəli sürülüb və hər biri iki il
müddətinə azadlıqdan məhrumetmə cəzasına məhkum edilib, lakin sonra Andjey Duda
onları əfv edib.
Hazırkı Polşa hökuməti Dudanın bunu etməyə haqqı olmadığını bəyan edib, ona
görə də iş 2023-cü ilin dekabrında yenidən açılıb.
Varşavada Polşa Daxili İşlər Nazirliyinin keçmiş rəhbəri və onun müavininin
saxlanması ilə bağlı mitinq keçirilib.
Mənbə: “Sputnik” “Belarus”
