Premyer Liqa: “Neftçi” ikinci hissədə üç qolla üç xalı aldı – YENİLƏNİB + VİDEO
Bizim WhatsApp kanalımıza buradan abunə ola bilərsiniz
Futbol üzrə Azərbaycan Premyer Liqasında XX tura yekun vurulub.
Cixisyolu.com xəbər verir ki, günün ikinci matçında “Qəbələ” “Neftçi”nin qonağı olub.
Qarşılaşma “ağ-qaralar”ın 3:1 hesablı qələbəsi ilə yekunlaşıb.
Meydan sahiblərinin heyətində kapitan Emin Mahmudov 61-ci dəqiqədə penaltini
dəqiq yerinə yetirib. 67-ci dəqiqədə Dieqo Valdez fərqi iki topa çatdırıb.
90+5-ci dəqiqədə yeni transfer Brayan Moreno adını tabloya yazdırıb.
59-cu dəqiqədə Zurab Oçiqava birbaşa qırmızı vərəqə alaraq qonaqları azlıqda
qoyub. 87-ci dəqiqədə Emil Səfərov “Qəbələ”nin təsəlli qoluna imza atıb.
Bu nəticədən sonra xallarının sayını 32-yə çatdıran “Neftçi” ikinci pilləyə
yüksəlib. “Qırmızı-qaralar” 14 xalla sonuncu – 10-cu yerdədirlər.
Qeyd edək ki, günün ilk matçında “Sumqayıt” “Araz-Naxçıvan”la heç-heçə edib –
1:1. XX turda “Turan Tovuz” “Səbail”i (3:1), “Qarabağ” “Kəpəz”i (2:1), “Sabah”
isə “Zirə”ni (1:0) məğıub edib.
17:48
Futbol üzrə Azərbaycan Premyer Liqasında XX turun daha bir oyunu keçirilib.
Cixisyolu.com xəbər verir ki, günün ilk matçında “Araz-Naxçıvan” “Sumqayıt”la üz-üzə
gəlib.
Qarşılaşma 1:1 hesabıı ilə yekunlaşıb. “Gənclik şəhəri” təmsilçisində 45-ci
dəqiqədə İsa Suliman, Naxçıvan klubunda 59-cu dəqiqədə Vanderson Melo fərqlənib.
Xallarının sayını 31-ə çatdıran “Sumqayıt” ikinci pilləyə yüksəlib. 27 xala
malik “Araz-Naxçıvan” beşinci sıradakı “Səbail”ə çatıb.
Qeyd edək ki, günün ikinci görüşündə “Neftçi” “Qəbələ”ni qəbul edəcək. XX
turda “Turan Tovuz” “Səbail”i (3:1), “Qarabağ” “Kəpəz”i (2:1), “Sabah” isə
“Zirə”ni (1:0) məğıub edib.
09:53
Bu gün futbol üzrə Azərbaycan Premyer Liqasında XX tura yekun vurulacaq.
Cixisyolu.com xəbər verir ki, son olaraq daha iki oyun keçiriləcək.
Günün ilk görüşündə “Araz-Naxçıvan” və “Sumqayıt” komandaları üz-üzə
gələcəklər. Naxçıvan klubu 26 xalla 6-cı, “gənclik şəhəri” təmsilçisi 30 xalla
3-cü pillədə qərarlaşıb.
Tur “Neftçi” – “Qəbələ” matçı ilə başa çatacaq. Paytaxt təmsilçisi 29 xalla
4-cü, “qırmızı-qaralar” 14 xalla sonuncu-10-cu yerdədir.
Azərbaycan Premyer Liqası
XX tur
15:00. “Araz-Naxçıvan” – “Sumqayıt”
Hakimlər: Əliyar Ağayev, Zeynal Zeynalov, Teymur Teymurov, Kamran Əliyev
Hakim-inspektor: Rəhim Həsənov
AFFA nümayəndəsi: Elgiz Abbasov
“Dalğa Arena”
17:30. “Neftçi”- “Qəbələ”
Hakimlər: İnqilab Məmmədov, Rahil Ramazanov, Rəhman İmami, Vüqar Həsənli
Hakim-inspektor: Ceyhun Haşımov
AFFA nümayəndəsi: Erkin Hüseynov
“Neftçi Arena”
Qeyd edək ki, XX turda “Turan Tovuz” “Səbail”i (3:1), “Qarabağ” “Kəpəz”i
(2:1), “Sabah” isə “Zirə”ni məğıub edib.