Premyer Liqa: “Turan Tovuz” evdə “Səbail”ə qalib gəldi – YENİLƏNİB
Bizim WhatsApp kanalımıza buradan abunə ola bilərsiniz
Azərbaycan Premyer Liqasında XX tura start verilib.
Cixisyolu.com-ın məlumatına görə, açılış oyunu Tovuzda keçirilib.
“Turan Tovuz” komandası doğma azarkeşləri önündə “Səbail”lə üz-üzə gəlib.
Qarşılaşma meydan sahiblərinin 3:1 hesablı qələbəsi ilə yekunlaşıb.
Hesabı 24-cü dəqiqədə Ayxan Quseynov açıb. 73-cü dəqiqədə isə Luis Paçu adını
tabloya yazdırıb. Qonaqlar 81-ci dəqiqədə Pedro Nunonun dəqiq zərbəsi sayəsində
fərqi minimuma endirməklə ümidləniblər. Lakin cəmi 5 dəqiqə sonra qərb
komandası yekun nəticəni müəyyənləşdirən qolu vurub. Paçu dublunu rəsmiləşdirib.
Bu qalibiyyət sayəsində xallarının sayını 25-ə çatdıran “Turan Tovuz” 7-ci
pilləyə yüksəlib. “Səbail” isə 27 xalla 5-ci yerdə qalıb.
Qeyd edək ki, turun digər oyunları yanvarın 27-28-də keçiriləcək.
09:38
Azərbaycan Premyer Liqasında XX tura bu gün start veriləcək.
Cixisyolu.com-ın məlumatına görə, günün yeganə oyunu Tovuzda baş tutacaq.
“Turan Tovuz” doğma azarkeşləri önündə “Səbail”i qəbul edəcək. Hər iki komanda
2024-cü ildə ilk qələbəsini qazanmaq niyyətindədir. Qərb təmsilçisi yuxarı
pillələrə yaxınlaşmaq, paytaxt klubu isə liderlər qrupuna daxil olmaq üçün
qələbə qazanmalıdır.
Qeyd edək ki, turun digər oyunları yanvarın 27-28-də keçiriləcək.
Premyer Liqa
XX tur
26 yanvar
15:00. “Turan Tovuz” – “Səbail”
Hakimlər: Rauf Allahverdiyev, Cəmil Quliyev, Şirmamed Mamedov, Səbuhi Bayramov.
Hakim-inspektor: İmanxan Sultani.
AFFA nümayəndəsi: Rüfət Əmirov.
Tovuz şəhər stadionu