ABŞ-ın ən məşhur roman yazarlarından olan Filip Rot 85 yaşında dünyasını dəyişib.
ÇıxışYolu.Com xəbər verir ki, Rotun “Azad edilmiş Tsukerman”, “Amerikaya qarşı sui-qəsd”, “Həyəcan” və digər romanları dünyaca məşhurdur.
O, dəfələrlə ədəbiyyat üzrə Nobel mükafatına namizəd olub, ancaq onu qazanmayıb.
Bununla yanaşı, yazıçı dünyanın bir çox prestijli ədəbiyyat mükafatlarının laureatı olub. O, 1998-ci ildə “Amerika pastoral”ına görə Pulitzer və 2011-ci ildə Beynəlxalq Buker mükafatlarını qazanıb.
Filip Rot 30-dan çox romanın müəllifidir. Onlardan sonuncusu 2009-cu ildə işıq üzü görüb.