Puqaçovanın dərzisi: “Alla da bədbəxt insandır”
Bizim WhatsApp kanalımıza buradan abunə ola bilərsiniz
“Alla Puqaçova tez-tez səhnəyə çıxmaqla sağlamlığına ziyan vurub”.
Bu sözləri primadonanın dərzisi Lyubov Aksenova deyib.
“Alla da bədbəxt insandır. O, “Papa Karlo” kimi çox çalışırdı. Direktora
deyirdi: “Daha bir konsert nəyimizə lazımdır?” – deyə Aksenova bildirib.
Dizaynerin dediyinə görə, Puqaçova uzun müddət sol ayağındakı şiddətli
ağrılardan şikayətlənib. Müğənni pəncəsini yerə basa bilmirmiş.
“Konsertdən əvvəl ayaqqabılarını atıb səhnədə ayaqyalın gəzirdi. Mən də
ayaqqabılarını gözətləyirdim. Onu elə görmək məni incidirdi”, – dərzi deyib.
Aksenova Puqaçovanın Rusiya üçün darıxdığını qeyd edib. Onun dediyinə görə,
Puqaçovanın vətənində ünsiyyət saxladığı yaxşı, sadiq dostları var və onlar çox
deyil, bir neçə nəfərdir.
Puqaçovanın dərzisi bunu da əlavə edib ki, əgər pərəstişkarları onun dönməyini
TV-də açıq şəkildə bildirsələr, müğənni Rusiyaya qayıda bilər.
“O, belə sözlərdən məmnun qalacaq. Üstəlik, Alla həmişə pərəstişkarlarına
hörmət edib. Mən həmişə bilirdim ki, onu xalq yaradıb”, – Aksenova əlavə edib.
Mənbə: gazeta.ru