Putin Tokayevlə görüşdə mikrofonunun söndürülməsini zarafata saldı – VİDEO
Bizim WhatsApp kanalımıza buradan abunə ola bilərsiniz
Rusiya Prezidenti Vladimir Putin qazaxıstanlı həmkarı Kasım-Jomart Tokayevlə
danışıqlardan sonra jurnalistlər qarşısında çıxışı zamanı mikrafonunun
söndürülməsini zarafatla qarşılayıb.
Rusiya lideri bildirib ki, görüş zamanı xüsusilə elektrik enerjisi təchizatı
və kömür tranziti müzakirə olunub.
“Elə məsələlər var ki, rəqəmlər əsasında müəyyən koordinasiya və dəqiqləşdirmə
tələb olunur. Qazaxıstan tərəfinə doğru addım atmağa hazırıq…”, – deyə o,
vurğulayıb. Elə bu zaman Putinin nitqi kəsilib və bir an sonra mikrafon yenidən
açılıb.
“İstəmirlər. Amma yox, onlar artıq bunu istəyirlər. Qazaxıstan tərəfinə doğru
addım atmağa hazırıq, deyən kimi dərhal işə saldılar”, – prezident zarafat edib
və əlavə edib ki, Moskva həqiqətən də dostlarına tərəf addım atmağa hazırdır
ki, onların bütün ehtiyacları ödənilsin.
Mənbə: lenta.ru