Qərb Zelenskini əvəz etmək barədə ciddi müzakirələr aparır: Namizədlərin
SİYAHISI
Bizim WhatsApp kanalımıza buradan abunə ola bilərsiniz
“Qərbdə Ukrayna Prezidenti Volodimir Zelenskinin əvəz edilməsinə hazırlıqla
bağlı “ciddi insanlar tərəfindən, ciddi mərkəzlərdə” müzakirələr aparılır.
Bu sözləri jurnalistlərə Rusiya Tarix Cəmiyyətinin sədri, Rusiya Federasiyası
Xarici Kəşfiyyat Xidmətinin direktoru Sergey Narışkin Qərbdə Zelenskinin
dəyişdirilməsi ilə bağlı müzakirələrin nə dərəcədə ciddi olduğuna dair sualı
cavablandırarkən deyib.
“Bu müzakirələr ciddi insanlar tərəfindən, ciddi mərkəzlərdə aparılır. Deməli,
bunun arxasında nəsə var”, – deyə o qeyd edib.
Zelenskinin yerinə daha çox ehtimal olunan namizədlərlə bağlı suala isə
Narışkin dəqiq cavab verməyib. “Mən belə qiymətləndirmələr səsləndirməyəcəyəm”,
– deyə o bildirib.
Sergey Narışkinin Xarici Kəşfiyyat Xidmətinin mətbuat bürosu tərəfindən
yayılan açıqlamasında bildirilib ki, aparıcı Qərb ölkələrinin yüksək vəzifəli
məmurlarının Ukraynanın hazırkı prezidentinin dəyişdirilməsinin zəruriliyi ilə
bağlı öz aralarında getdikcə artan müzakirələri barədə etibarlı mənbələrdən
məlumatlar daxil olur.
Xarici Kəşfiyyat Xidmətinin məlumatına görə, Qərb ölkələri tərəfindən Ukrayna
Prezidenti postunda Volodimir Zelenskini əvəz edəcək mümkün namizədlər kimi
Ukrayna Silahlı Qüvvələrinin Baş Komandanı, general Valeri Zalujnı, Prezident
Ofisinin keçmiş müşaviri Aleksey Arestoviç, Kiyev meri Vitali Kliçko və
Prezident Ofisinin rəhbəri Andrey Yermak nəzərdən keçirilir.
Mənbə: TASS