Qəzzadan İsrailə raket atan terrorçular məhv edilib
Bizim WhatsApp kanalımıza buradan abunə ola bilərsiniz
İsrail Müdafiə Qüvvələrinin mətbuat ofisi bildirib ki, cümə günü axşam
saatlarında Qəzza zolağından İsrail ərazisinə raket atan terrorçular məhv
edilib.
Bu barədə İsrail ordusunun mətbuat xidməti məlumat yayıb.
“Qəzza zolağından İsrailə raket hücumundan bir saat keçməmiş əsgərlər Qəzza
zolağındakı binanın damından raket atan terrorçuları görüblər. Bundan sonra
İrsail təyyarələri onlara hücum edib. İsrail ordusu terrorçuların hücrəsini
məhv edib”, – məlumatda deyilir.
“Bundan əlavə, son 24 saat ərzində İsrail ordusunun qırıcı təyyarələri və
helikopterləri Qəzza zolağında onlarla terrorçu hədəfə, o cümlədən əməliyyat
komandanlıq mərkəzləri, buraxılış qurğuları və silah istehsalı sexləri,
həmçinin terrorçulara zərbələr endirib”, – mətbuat xidməti əlavə edib.
Mənbə: TASS