Qahirədə Fələstin-İsrail münaqişəsinin həlli ilə bağlı sülh sammiti başlayıb
Bizim WhatsApp kanalımıza buradan abunə ola bilərsiniz
Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed
ən-Nəhyan əsas məsələsi Fələstin-İsrail münaqişəsinin həlli olacaq Qahirə Sülh
Sammitində iştirak etmək üçün Qahirəyə gəlib. BƏƏ prezidentinin səfəri rəsmi
olaraq açıqlanmayıb.
Sülh sammitində BMT-nin baş katibi Antonio Quterreş, Yaxın Şərq regionu
ölkələri, Yunanıstan və Cənubi Afrikanın liderləri iştirak edirlər. Aİ ölkələri
və Yaponiya Xarici İşlər Nazirliyi səviyyəsində təmsil olunur. Çin hökumətinin
Yaxın Şərq üzrə xüsusi nümayəndəsi Çjay Tzün iştirak edir.
Misir Prezidenti Əbdülfəttah Xəlil əs-Sisi forumu açaraq Qəzza zolağına və
onun mülki əhalisinə raket hücumlarını pisləyib. Dövlət başçısı beynəlxalq
ictimaiyyəti Fələstin-İsrail böhranının həlli üçün yol xəritəsi hazırlamağa
çağırıb.
İordaniya kralı II Abdullah dərhal atəşkəs və Fələstin anklavına humanitar
yüklərin maneəsiz çatdırılmasının təmin olunmasının vacibliyini bəyan edib. O,
həmçinin fələstinli qaçqınların öz ərazilərindən məcburi köçürülməsini
qəbuledilməz hesab etdiyini bildirib.
Mənbə: octagon.media