Qara Qarayev “Araz-Naxçıvan” klubu ilə mövsüm sonunadək müqavilə imzalayıb.
Cixisyolu.com xəbər verir ki, futbolçu ilə bu gün rəsmi müqavilə imzalanıb və o,
heyət üzvlərinə təqdim olunub.
Qeyd edək ki, 32 yaşlı yarımmüdafiəçi 2009-2023-cü illərdə “Qarabağ”ın,
2023/2024 mövsümündə isə “Neftçi”nin heyətində yer alıb. Futbolçu 9 dəfə
Azərbaycan çempionu, 5 dəfə isə ölkə kubokunun qalibi olub.
12:48
“Neftçi” klubunun sabiq yarımmüdafiəçisi Qara Qarayev rəsmi olaraq
“Araz-Naxçıvan” klubuna transfer olunub.
Cixisyolu.com-a açıqlama verən klubun icraçı direktoru Eldəniz Yusubov bunu
təsdiqləyib və bildirib ki, futbolçu ilə müqavilə imzalanacaq:
“Qara Qarayevlə mövsümün sonunadək müqavilə imzalayacağıq. Müqavilənin
şərtləri artıq razılaşdırılıb. Bu gün Qara Qarayevin kluba keçidi ilə bağlı
rəsmi paylaşım olunacaq”.
Qeyd edək ki, Qara Qarayev “Neftçi” klubundan mövsümün əvvəlində qarşılıqlı
razılıq əsasında ayrılmışdı.
09:18
“Neftçi”nin sabiq yarımmüdafiəçisi Qara Qarayevin yeni komandası
“Araz-Naxçıvan” klubu olub.
Sportinfo.az xəbər verir ki, futbolçu artıq komandanın düşərgəsinə qatılıb.
Tərəflər arasında müqavilənin şərtlərinə əsasən Qara Qarayev yaya kimi muxtar
respublika təmsilçisinin şərəfini qoruyacaq.
Qeyd edək ki, Qara Qarayev çıxış etdiyi “Neftçi” klubundan mövsümün əvvəlində
ayrılıb.