Qəbələdə futbol üzrə Azərbaycan Premyer Liqasının XXIII turunun daha bir oyunu keçirilib.
ÇıxışYolu.Com xəbər verir ki, yerli “Qəbələ”nin Ağdamın “Qarabağ” klubu ilə görüşü qonaqların 2:1 hesablı qələbəsi ilə başa çatıb.
Hesabı üçüncü dəqiqədə “Qarabağ”ın oyunçusu Donald Gerrye açıb. İyirmi dəqiqə sonra Rauf Əliyev tarazlığı bərpa edib.
Oyunun 82-ci dəqiqəsində isə Araz Abdullayev komandasının qələbə qolunu vurub.
Bu qələbədən sonra “Qarabağ” xallarını 51-ə çatdırıb və turnir cədvəlində “Neftçi” ilə liderliyi bölüşmək hüququnu qazanıb.