“Qarabağ”ın Almaniyaya səfər proqramı müəyyənləşib
Bizim WhatsApp kanalımıza buradan abunə ola bilərsiniz
UEFA Avropa Liqasının 1/8 final mərhələsinin cavab oyununda “Bayer 04”ün
qonağı olacaq “Qarabağ”ın Almaniyaya səfər proqramı müəyyənləşib.
Bu barədə “Report”a Azərbaycan çempionunun mətbuat katibi Anar Hacıyev məlumat
verib.
“Köhlən atlar” martın 12-də, saat 18:15-də Kölnə, oradan isə Leverkuzenə
yollanacaqlar. Martın 13-də, yerli vaxtla saat 17:00-da baş məşqçi Qurban
Qurbanovun mətbuat konfransı, 17:30-da komandanın açıq məşqçi gerçəkləşəcək.
Qeyd edək ki, Leverkuzendəki qarşılaşma martın 14-də, Bakı vaxtı ilə saat
00:00-da başlayacaq. Bakıdakı ilk matç 2:2 hesabı ilə nəticələnib.