Hollivud ulduzu Uill Smit məşhur tennisçilər-Serena və Venus Uilyams bacılarının atası rolunda oynamaq üçün kifayət qədər qaradərili hesab edilməyib. Bu barədə Ridus məlumat yayıb.
Məlumatda bildirilir ki, idmançı bacılara həsr edilən bioqrofik “Kral Riçard” filminə hazırlıq gedir.
Qızların atası rolunda oynamaq üçün dəvət olunmuş Uill Smit sosial şəbəkələrdə izləyicilər tərəfindən birmənalı qarşılanmayıb.
Tamaşaçılar Smitin yüksək aktyorluq qabiliyyəti olsa da, dərisinin çox tünd olmamasını əsas gətirərək, bu rola uyğun olmadığını bildiriblər.
Tanınmış idman jurnalisti Klarens Hill dəri rənginin bu rol üçün çox önəmli olduğunu vurğulayıb.