Qaradağda piyadanı avtomobil vurub
Bakının Qaradağ rayonunun Lökbatan qəsəbəsində piyadanın xəsarət alması ilə
nəticələnən yol-nəqliyyat hadisəsi baş verib.
“Report”un məlumatına görə, yolu keçən 1984-cü il təvəllüdlü Məmmədov Bəylər
Füzuli oğlunu avtomobil vurub.
Yaralı təcili tibbi yardımın köməkliyi ilə xəstəxanaya çatdırılıb. Müayinə
zamanı ona sol bazu sümüyünün yerdəyişən qəlpəli sınıqları diaqnozu qoyulub.
Hadisənin təfərrüatı araşdırılır.