Qazaxıstanda üç mindən çox insan tıxacda qalıb – VİDEO
Bizim WhatsApp kanalımıza buradan abunə ola bilərsiniz
Qazaxıstanın Karaqanda vilayətində güclü çovğun səbəbindən yollarda böyük
tıxac yaranıb.
Qazaxıstan Daxili İşlər Nazirliyinin məlumatına görə, dekabrın 31-i səhər
saatlarına olan məlumata görə, əlverişsiz hava şəraiti nəticəsində rayonun
magistral yollarında içərisində 129-u uşaq olmaqla 3459 nəfərin olduğu 1359-dan
çox avtomobil dayanıb.
Onların əksəriyyəti Almatı-Ekaterinburq magistral hissəsindədir. Burada 1150
avtomobil ilişib qalıb.
Son iki gündə polis əməkdaşları 17 min avtomobili ən yaxın yaşayış
məntəqələrinə təxliyə ediblər. Tıxacda qalan insanlar müvəqqəti yaşayış yeri və
isti yeməklə təmin olunublar.
Dekabrın 31-i səhər saatlarına olan məlumata görə, xilasetmə işləri davam
etdirilir. Rayon sakinlərinə və qonaqlara hava şəraiti yaxşılaşana qədər uzun
səfərlərdən çəkinmələri, yaşayış məntəqələrində qalmaları tövsiyə olunub.
Mənbə: aif.ru