Tərtərdə bıçaqlanma hadisəsi baş verib.
ÇıxışYolu.Com-ın Qarabağ üzrə bölgə müxbirinin verdiyi məlumata görə, rayon sakini 1991-ci il təvəllüdlü Rəşad Süleymanlı həmyerlisi 1989-cu il təvəllüdlü Sərxan Əlizadəyə bir neçə dəfə bıçaqla xəsarət yetirib.
İki gəncin arasındakı hadisənin qız üstündə baş verdiyi bildirilir.
Yaralı S.Əlizadə rayon Mərkəzi Xəstəxanasına yerləşdirilib.
Həkimlər onun vəziyyətini orta ağır qiymətləndirir.
Faktla bağlı rayon polis şöbəsində cinayət işi başlanıb araşdırma aparılır.