Qurumların yarımcıq işləri Bakı yollarını “tikə-tikə” edib – FOTO
Bizim WhatsApp kanalımıza buradan abunə ola bilərsiniz
Paytaxtın Nizami rayonundakı küçələrin birində asfalt örtüyü bərbad
vəziyyətdədir.
Cixisyolu.com xəbər verir ki, bu barədə məlumat sosial şəbəkədə paylaşılıb.
Paylaşılan şəkildən aydın olur ki, rayonun Tofiq Abbasov küçəsində yolda
qazıntı işlərindən sonra asfalt örtüyünün bərpası heç kimin yadına düşmür. Bir
həftədən çoxdur ki, yol bərbad haldadır.
“Azərsu” ASC-dən Cixisyolu.com-ın sorğusuna cavab olaraq bildirilib ki, sözügedən
yoldan keçən xətdə qəza olub:
“Qəzanın fəsadlarını aradan qaldırmaq üçün həmin ərazidə kiçik bir hissə
qazılıb. Problem aradan qaldırılıb, üstü örtülüb. Ərazi üzrə yol idarəsi
tərəfindən asfalt örtüyü çəkiləcək”.
Könül Cəfərli
