Qvatemala hökuməti Fueqo vulkanının püskürməsinin nəticələrinin aradan qaldırılmasında dünya ölkələrindən yardım istəyib.
ÇıxışYolu.Com “RİA Novosti” agentliyinə istinadla xəbər verir ki, müraciət ölkənin Xarici İşlər Nazirliyi tərəfindən yayımlanıb.
“Qvatemala hökuməti XİN vasitəsilə məlumat verir ki, Fueqo vulkanının püskürməsinin nəticələrinin aradan qaldırılması üçün ölkənin təbii fəlakətlərin nəticələrinin azaldılması üzrə milli xidməti dünya ölkələrinə müraciət edib”, – məlumatda deyilir.
Vulkan püskürməsi nəticəsində ölənlərin sayı 109-a çatıb, 1952 nəfər itkin düşmüş hesab edilir.