Rafael Nadal Səudiyyə Ərəbistanında tennisin səfiri oldu
Bizim WhatsApp kanalımıza buradan abunə ola bilərsiniz
Dünyanın keçmiş bir nömrəli tennisçisi, ispaniyalı Rafael Nadal Səudiyyə
Ərəbistanında tennisin səfiri olub.
Bu barədə Səudiyyə Ərəbistanı Tennis Federasiyasının Mətbuat Xidməti məlumat
yayıb.
“Bütün zamanların ən böyük idman xadimlərindən və tennisçilərindən biri olan
Rafael Nadal, idmanın inkişafına kömək etmək və Səudiyyə Ərəbistanında gələcək
idmançı nəslini ruhlandırmaq üçün Tennis Federasiyasının yeni səfiri olub”, –
məlumatda deyilir.
Bildirilib ki, Nadal idman akademiyasında istedadları yetişdirəcək və iddialı
şəxslərin böyük tennis arzularına çatmasına kömək edəcək.
Qeyd edək ki, Nadalın 37 yaşı var. O, Peşəkar Tennis Assosiasiyası (ATP)
turnirlərində 92 qələbə qazanıb. İspan 22 Böyük Dəbilqə çempionluğu ilə yalnız
serb Novak Cokoviçdən (24 titul) geri qalır. Nadal 209 həftə ərzində dünya
reytinqinə başçılıq edib. O, ikiqat Olimpiya çempionudur. Milli komandanın üzvü
kimi Nadal beşqat Devis Kubokunun qalibi olub.
Mənbə: TASS