Bakıda turistə qarşı qeyri-qanuni hərəkət edən yol polisi rəisi cəzalandırılıb, polis serjantı isə işdən çıxarılıb.
ÇıxışYolu.Com-ın məlumatına görə, Səbail rayon Dövlət Yol Polisi Şöbəsinin (DYPŞ) serjantı (adı açıqlanmır) turistə qarşı etdiyi qanunsuz hərəkətə görə işindən azad olunub.
Daxili işlər naziri, general-polkovnik Ramil Usubovun əmri ilə Səbail rayon DYPŞ-nin rəisi, polis polkovnik-leytenantı Cəmşid Hənifəyevə isə şiddətli töhmət verilib.
![Ramil Usubov DYP rəisini cəzalandırdı - FOTO](https://cixisyolu.info/wp-content/uploads/2018/04/85a363c2bf09e8737a0151172fc8e82b.jpg)
Xatırladaq ki, bir neçə müddət öncə prezident İlham Əliyev Nazirlər Kabinetinin sonuncu iclasında ölkəyə turistlərin cəlb olunmasının vacibliyindən danışıb, turistləri incidənlərin, onlardan əsassız pul tələb edənlərin cəzalandırılacağını bildirib.