Bu gün Bakı Apellyasiya Məhkəməsində Xalq artisti Məleykə Əsədovanın Xalq artisti Ramiz Məlikə qarşı məhkəmə qərarından verilən apellyasiya şikayəti üzrə məhkəmə iclası keçirilib.
Məhkəmənin qərarına əsasən, Əsədovanın apellyasiya şikayəti qismən təmin edilib.
Bu barədə ÇıxışYolu.Com-a Ramiz Məlikin vəkili Türkel Süleymanlı məlumat verib.
O bildirib ki, qərara əsasən, Ramiz Məlik Əsədova barədə dedikləri ilə bağlı təkzib verməli və 1000 manat təzminat ödəməlidir.
Qeyd edək ki, M.Əsədova R.Məlikin onun şərəf və ləyaqətini təhqir etdiyinə görə həmkarından 200 min manat, R.Məlik də eyni iddia ilə ondan 300 min manat təzminat tələb edirdi.