Ramos seçimini etdi: Müdafiəçi İspaniya təmsilçisi ilə müqaviləyə hazırlaşır
İspaniya millisinin müdafiəçisi Serxio Ramos “Sevilya” ilə qısamüddətli
müqaviləyə imza atacaq.
Bu barədə insayder Fabritsio Romano məlumat verib.
Artıq tərəflərin razılığa gəldiyi bildirilir.
Qeyd edək ki, Serxio Ramos daha əvvəl “Sevilya”da çıxış edib. İspaniyalı
həmçinin karyerası ərzində “Real Madrid” və PSJ klublarının da formasını
geyinib.
Xatırladaq ki, ispaniyalı ulduzun adı Səudiyyə Ərəbistanı təmsilçiləri ilə
yanaşı Türkiyənin “Qalatasaray” klubu ilə də hallanırdı.