Xəbər verdiyimiz kimi, Ukraynanın paytaxtı Kiyevdə Madrid “Real”ının, “Liverpul”un, Çempionlar Liqasının əfsanələrindən ibarət komandalar, o cümlədən Andrey Şevçenkonun dostlarından qurulmuş kollektiv mini yarışda güclərini sınayıblar.
ÇıxışYolu.Com-ın Kiyevə ezam olunmuş əməkdaşının verdiyi xəbərə görə, yarımfinalda Şevçenkonun dostları Çempionlar Liqasının əfsanələrini 5:1, “Real”ın əfsanələri isə “Liverpul”un əfsanələrini 9:3 məğlub edib.
Finalda “Real”la Şevçenkonun dostları yarışıb. Görüş heç-heçə başa çatıb – 3:3. Qolları ukraynalılardan Oleq Lujnı, Andrey Voronin, Sergey Rebrov, “Real”ın əfsanələrindən isə Esteban Kambiasso, Alvaro Arbeloa və Davor Şuker vurub.
Səbuhi TOFİQOĞLU
www.ÇıxışYolu.Com