“Real Madrid” Deyvisdən “Bavariya” ilə müqaviləsini yeniləməməyi xahiş edir
Bizim WhatsApp kanalımıza buradan abunə ola bilərsiniz
“Real Madrid” “Bavariya”nın müdafiəçisi Alfonso Deyvisdən Münhen klubu ilə
müqaviləni yeniləməməyi xahiş edib.
Məlumata görə, İspaniya klubunun nümayəndəsi müdafiəçi ilə əlaqə saxlayıb və
ona bildirib ki, yayda “Real” “Bavariya” ilə onun alınması üçün danışıqlar
aparmağa çalışacaq. 23 yaşlı futbolçunun Münhen klubu ilə hazırkı müqaviləsi
2025-ci ilə qədərdir.
Nüfuzlu internet portalı “Transfermarkt” Alfonso Deyvisin təxmini dəyərini 70
milyon avro olaraq qiymətləndirir.
Qeyd edək ki, bu mövsüm kanadalı futbolçu Almaniya çempionatında 14 oyun
keçirib və üç məhsuldar ötürmə edib. Bundesliqanın 2023/2024 mövsümünün 15
turundan sonra “Bavariya” 38 xalla turnir cədvəlinin ikinci pilləsində
qərarlaşıb.
Mənbə: championat