Bu gün futbol üzrə Çempionlar Liqasının qalibi 2017/2018 mövsümünün qalibi müəyyənləşəcək.
ÇıxışYolu.Com-ın məlumatına görə, turnirin final gecəsində İspaniyanın “Real” və İngiltərənin “Liverpul” komandaları qarşılaşacaqlar.
Kiyevin Olimpiya stadionunda keçiriləcək matçın start fiti Bakı vaxtı ilə saat 22:45-də səslənəcək.
Turnirin son iki mövsümünün qalibi olan kral klubu Ukraynaya tam heyətlə yollanıb.
“Liverpul”da isə müdafiəçilər Joel Matip, Co Qomes və yarımmüdafiəçi Aleks Oksleyd-Çamberlayn zədə ucbatından meydana çıxa bilməyəcək.
Mersesaydlıların türk yarımmüdafiəçisi Əmrə Can isə zədəsini sağaldıb və görüşün iştirak ərizəsinə salınıb.