Rusiya Dövlət Dumasının ən varlı deputatlarından biri öldü
Dövlət Dumasının Vahid Rusiya partiyasından olan deputatı Nikolay Bortsov 77
yaşında vəfat edib.
Bu barədə Lipetsk vilayətinin rəhbəri İqor Artamonov məlumat verib.
O, Lipetsk vilayətinin Lebedyanski şəhərindəki evində dünyasını dəyişib.
Nikolay Bortsov 2003-cü ildən Dövlət Dumasının deputatı olub və Rusiya
parlamentinin beş çağırışında işləyib. O, Dumanın etnik xalqlar komitəsinin
üzvü idi.
“Forbes”in versiyasına görə millət vəkili ən zəngin rusiyalılar siyahısına
daxil edilib. 2021-ci ildə jurnal onun sərvətini 550 milyon dollar
qiymətləndirib. Bortsovun əsas kapitalını onun və tərəfdaşlarının Lebedyanski
şirə zavodundakı (“Ya”, “Fruktovy Sad” markaları) 75,5%-lik payını “PepsiCo”ya
satdıqdan sonra əldə edilən vəsait təşkil edir.
2021-ci ildə “Forbes” Bortsovu ən yüksək gəlirli 100 dövlət işçisi sırasına
daxil edib.
Rusiyanın Ukraynaya genişmiqyaslı müdaxiləsi səbəbindən Nikolay Bortsov ABŞ və
digər Qərb ölkələrinin sanksiyaları altına düşüb. Ukraynada Bortsov tanınmamış
DXR və LXR-in müstəqilliyini tanıdığına görə qiyabi olaraq 15 il həbs cəzasına
məhkum edilib.
Rusiya Federasiyası Mərkəzi Seçki Komissiyasının məlumatına görə, Nikolay
Bortsovun seçildiyi birmandatlı seçki dairəsi üzrə Dumaya əlavə seçkilər
sentyabr ayında keçiriləcək.
Mənbə: meduza.io