Dubayda İrkutskdan olan rusiyalı model Yekaterina Stetsyuk, onu öldürməyə çalışan şəxsdən xilas olmağa çalışan zaman özünü altıncı mərtəbədən atıb.
ÇıxışYolu.Com xəbər verir ki, bu barədə “Life.ru” məlumat yayıb.
Məlumata görə, Stetsyuk möcüzəvi şəkildə sağ qalsa da, onurğa sümüyünü sındırıb və hazırda hərəkəti məhdudlaşıb; başını belə döndərə bilmir.
Modelin üzərində artıq iki dəfə cərrahiyə əməliyyatı aparılıb. Onun sağalacağı bildirilir, belə ki, yerə yıxılan zaman onurğa beyni zədələnməyib.
Məlum olub ki, 22 yaşlı model B.Ə.Ə.-də müqavilə əsasında işləyib. İddiaya görə, adı açıqlanmayan şəxs onunla yaxın münasibətdə olmağa çalışıb, habelə model onun təklifini rədd etdikdən sonra, onu öz nömrəsində öldürmək qərarına gəlib.
Şübhəli şəxsin sonradan Dubay aeroportunda saxlanıldığı bildirilir.
