İngiltərənin “Çelsi”, İspaniyanın “Real” və İtaliyanın “Milan” klublarının sabiq futbolçusu Maykl Esyenin Azərbaycanın “Səbail” komandası ilə bağladığı müqavilənin müddəti bilinib.
ÇıxışYolu.Com-ın məlumatına görə, qanalı mərkəz yarımmüdafiəçisi ilə 1,5 illik müqavilə bağlanılıb. Bu barədə saytımıza məlumatı “Səbail”in icraçı direktoru Ramin Həsənov verib:
“Onunla artıq ilyarımlıq müqavilə bağlanılıb. O, həmçinin klubumuzda 19 yaşadək komandada məşqçi işləyəcək. U-19-un baş məşqçisi Ruslan Qafitullinlə bir yerdə çalışacaq. Onun məşqçi kimi B kateqoriyası var. Əvvəl “Çelsi”nin 23 yaşadək komandasında qeyri-rəsmi də olsa, məşqçi kimi çalışıb”.
Qeyd edək ki, bu gün onun oynayan məşqçi kimi “Səbail”lə müqavilə bağlayacağını bildirmişdik.
Səbuhi MUSAYEV