ABŞ-ın Arizona ştatında köpək hovuza düşən və quruya çıxa bilməyən dostunu xilas edib.
ÇıxışYolu.Com “Fox News”a istinadən xəbər verir ki, hadisə mayın ortalarında baş verib.
Smoki və Remusun ev sahibləri evdə olmayıb. Birlikdə oynayan zaman Smoki hovuza yıxılıb və heç cür ordan çıxa bilməyib. Remus ona yardım etmək üçün əlini uzatsa da, dostunu quruya çıxarmağa nail olmayıb.
Ona görə sadiq dost özü hovuza baş vuraraq Smokini sudan çıxarıb. Maraqlı hadisənin görüntüsü ev sahibinin müşahidə kamerasına düşüb.