Salyanda gənc qızı qaçıran şəxslər saxlanılıblar – YENİLƏNİB
Salyanda qız qaçıran şəxslər saxlanıblar.
Bununla bağlı Cixisyolu.com-a DİN-in Mətbuat Xidmətinin Şirvan regional qrupunun baş
inspektoru, polis kapitanı Nizam Həmidov bildirib.
O bildirib ki, fevralın 3-də günorta saatlarında Salyan Rayon Polis Şöbəsinə
rayonun Kürsəngi kəndi ərazisində Yolüstü kənd sakini olan bir qızın iki nəfər
tərəfindən qaçırılması barədə məlumat daxil olub:
“Şöbə əməkdaşları tərəfindən keçirilən tədbirlərlə qeyd edilən hadisəni
törədən rayonun Yeni Uluxanlı kənd sakinləri Z.Səfərli, O.İsmayıllı və
M.Hüseynov müəyyən edilərək saxlanılıblar.
Faktla bağlı Salyan RPŞ-nin İstintaq Bölməsində Cinayət Məcəlləsinin
144.2.3-cü maddəsi ilə cinayət işi açılıb, araşdırmalar davam etdirilir”.
10:08
Salyanda gənc qız qaçırılıb.
“Report”un xəbərinə görə, hadisə rayonun Kürsəngi kəndində qeydə alınıb.
Belə ki, rayon sakini, 1992-ci il təvəllüdlü Səfərli Zöhrab Natiq oğlu və
həmkəndlisi 2003-cü il təvəllüdlü Hüseynov Mirsabir Bəhrəm oğlu ilə birlikdə
1998-ci il təvəllüdlü Aliyə Alıyevanı (ad və soyad şərti) rayonun Kürsəngi
kəndi ərazisində zorla Mirsabir Hüseynovun idarə etdiyi VAZ-2106 markalı
avtomobilə oturduraraq evlənmək məqsədilə aparıblar.
Faktla bağlı Salyan Rayon Polis Şöbəsində Cinayət Məcəlləsinin 144.2.3-cü
maddəsi ilə cinayət işi başlanaraq istintaq aparılır.