Dünya üzrə “TOP 100”ə daxil olan İngiltərənin Şeffild Universiteti və onun “CiTY College” adlı beynəlxalq fakültəsi Azərbaycanda idarəçilər və peşəkarlar üçün geniş əhatəli Britaniya təhsilini və həmçinin Bakıda keçiriləcək beynəlxalq akkreditasiyaya malik Executive MBA dərəcəsini təklif edir.
Bu Proqram Azərbaycandakı fəaliyyətinə 2018-ci ildə başlayıb və geniş maraq dairəsinə əhatələnib. Qeyd edək ki, sənədlərin qəbulu artıq açıq elan ediib
Executive MBA proqramı özünün peşəkar və şəxsi bacarıqlarını təkmilləşdirmək istəyən müasir menecerlər üçün işlənib hazırlanmış innovativ beynəlxalq proqramdır. İştirakçılar digər ölkələrdən, mədəniyyətlərdən və ixtisas sahələrindən gələn tələbələrlə birlikdə öz təcrübələrini genişləndirmək və bölüşmək imkanı qazanırlar.
Hər il, Cənub-Şərqi və Şərqi Avropanın öndə gedən, məşhur şirkətlərinin baş menecerləri proqrama qəbul edilirlər. Proqramın çatdırılma metodu (həy ayda 1 dəfə 3 günlük həftə sonu) idarəçilərə çalışdıqları ölkədən ayrılmadan kurslarda iştirak etmək imkanı yaradır.
EMBA proqramını müvəffəqiyyətlə bitirən və Şeffild Universitetinin magistratura dərəcəsini əldə edən tələbələr eyni zamanda əlavə kurslarda iştirak etmədən və imtahan vermədən “Chartered Management İnstitute”nun (CMI) yüksək nüfuza malik Strateji İdarəçilik və Liderlik üzrə Magistr Diplomunu əldə edə bilərlər.
“Chartered Management İnstitute” Böyük Britaniya Krallığında menecment və liderlik üzrə yeganə diplomlu peşəkar institutdur.
Şeffild Universitetinin, City College Beynəlxalq Fakultəsinin Executive MBA proqramı MBA Assosiasiyası (AMBA), AACSB (Bİznes Məktəblərinin Kollegial Təkmilləşdirmə Assosiasiya) və CMI tərəfindən akkreditasiya edilib. Proqram, həmçinin, Britaniya Akkreditasiya Şurası (BAC) və Milli Akademik Araşdırma İnformasiya Mərkəzi (UK NARIC) tərəfindən tanınıb və akkreditasiya edilib.
MBA Proqramı həqiqətən də özünəməxsus işgüzar əlaqələrin yaradılması üçün geniş imkan yaradan beynəlxalq proqramdır.
10-dan çox ölkədən və universitetlərdən gələn 50-dən çox mühazirəçilər özlərinin geniş akademik biliklərini, eləcə də, konsultasiya və idarəçilik təcrübələrini 25-dən çox müxtəlif ölkələrdən gələn tələbələrlə bölüşürlər. Bütün bunlar beynəlxalq tədris həftələri, beynəlxalq tələbə qrupları və kurslara bir neçə ölkələrdə qatılmaq imkanının və seçiminin olması ilə həyata keçirilir. Proqram, eyni zamanda, Yunanıstanda (Saloniki), Bolqarıstanda (Sofiya), Rumıniyada (Buxarest), Serbiyada (Belqrad), Ukraynada (Kiyev) və Gürcüstanda (Tiflis) keçirilir.
Proqramın müddəti iki ildir. Dərslər Bakıda, şəhərin mərkəzində yerləşən məhşur beş ulduzlu oteldə keçiriləcək. Təhsil müddətində tələbələr Yunanıstanın Saloniki şəhərində və İngiltərənin Şeffild şəhərində keçiriləcək iki tədris həftələrində iştirak edəcəklər. Proqrama müraciət edən ərizəçilər bakalavr dərəcəsinə və iş təcrübəsinə malik olmalı, eləcə də, ingilis dilini bilməlidirlər.
Şeffild Universitetinin Executive MBA proqramı üzrə yeni qrupun dərsləri 2019-ci il oktyabr ayında başlanacaqdır. Qeyd edək ki, təqaüdlü təhsil haqqı üçün sənədlərin ən son qaəbul tarixi 30 avqust 2019-ci ildir.
Daha ətraflı məlumat üçün Şeffild Universitetinin, City College Beynəlxalq Fakultəsinin Azərbaycanda Ölkə üzrə Meneceri Nigar Haciyeva ilə əlaqə saxlaya bilərsiniz:
[email protected] və ya 055 909 37 88.
