Adanada Türkiyəyə qaçaqmalçılıq yolu ilə daxil olan Əfqanıstan və Pakistan əsilli miqrantlarla yanaşı biri qadın olmaqla iki iranlı da saxlanılıb.
ÇıxışYolu.Com Türkiyə KİV-ə istinadla xəbər verir ki, gənclər ölkələrinə geri qayıtmaq istəmədiklərini bildiriblər.
Gənc qız qeyd edib ki, onun qolunu kəsəcəklər, sevgilisini isə asacaqlar.
Cütlük terrorçu olmadıqlarını bildirib, lakin Türkiyə qanunlarına əsasən, gənclər barəsində ölkələrinə qaytarılma qərarı çıxarılıb.
Bundan sonra gənclər üçün sosial media istifadəçiləri ayağa qalxıb. Onlar gənc cütlüyün ekstradisiyasına qarşı çıxıblar:
“Gəncləri İrana göndərmək öldürmək deməkdir. Öldürüləcəklərini bilərək, onları ekstradisiya edə bilməzsiz”.