Şimali Makedoniya Rusiya təyyarələrinə qoyduğu uçuş qadağasını ləğv edir
Bizim WhatsApp kanalımıza buradan abunə ola bilərsiniz
Şimali Makedoniya Rusiyadan uçuşlara qoyulan qadağanı ləğv etməyə hazırlaşır.
Bu barədə məlumat hökumətin yaydığı bəyanatda yer alır.
Bildirilir ki, ölkədə ATƏT-in xarici işlər nazirlərinin görüşü keçiriləcək və
tədbirdə Rusiyanın XİN rəhbəri Sergey Lavrovun da iştirakı gözlənilir.
Məlumata görə, Rusiya üçün açıq səma 29 noyabrdan dekabrın 1-dək davam edəcək.
Rusiyalı nazir Skopyeyə uçmağa qərar verərsə, ona səfər üçün əlavə icazələr
verilməlidir.
Mənbədən vurğulanır ki, Lavrov Şimali Makedoniyaya getmək üçün digər NATO və
ya Aİ ölkələrinin ərazisindən keçməlidir. Bunun üçün xüsusi icazə tələb olunur.
Bundan əvvəl Şimali Makedoniyanın xarici işlər naziri Buyar Osmani rusiyalı
həmkarına dəvətin ötən həftə göndərildiyini bildirmişdi. Lavrovun bu dəvəti
qəbul edib-etmədiyi barədə məlumat yoxdur.
Xatırladaq ki, 2022-ci ilin fevralında Ukraynaya hücumdan sonra əksər Avropa
ölkələri Rusiyadan uçuşları qadağan edib.
Mənbə: Associated Press