Cənubi Afrika Respublikasının safari parkında şir sahibinin üzərinə atılaraq, onu parçalamağa çalışıb.
ÇıxışYolu.Com “The Sun”a istinadən xəbər verir ki, hadisənin görüntüsü sosial şəbəkələrdə yayılıb.
Məlumata görə, insident park sahibi Mayk Hocun yırtıcının volyerinə baxış keçirdiyi vaxt baş verib. Britaniyalı park sahibi boyun və çənə nahiyəsindən ağır xəsarətlər alıb. Onun hazırda xəstəxanada olduğu bildirilir.
İnsidentdən sonra sahibinə hücum etmiş şir öldürülüb.