Sosial şəbəkədəki paylaşımına yazılanlar aktyoru özündən çıxardı – FOTO
“Evdə qalmış” filmindən şəkil paylaşan məşhur aparıcı və aktyor Şəhriyar
Əbilovu ona yazılan mesajlar özündən çıxardıb.
Cixisyolu.com-ın məlumatına görə, o bildirib ki, izləyiciləri və dost-tanışları
saysız mesaj yazaraq filmlə bağlı ona çoxlu suallar veriblər.
Şəhriyar Əbilov tənqidlərə belə cavab verib:
“Fikir bildirən, şərh yazan hamıya təşəkkür edirəm. Hətta, doğmalarımdan da
səhv başa düşənlər var idi. Mənə sual verirlər ki, “bu filmdə siz yoxsunuz?,
bəs deyirdiz baş rolda mənəm, niyə yoxsuz?, yoxsa sizi çıxardıblar?, yoxsa
küsgünlük olub?”. “Evdə qalmış” filminin rejissoru Valeh Əhmədov aktyor Elçin
Məmmədov və Nigar Əhmədovanın şəkillərini paylaşmışdı. Mən də dostlarıma və
filmə dəstək üçün həmin şəkli öz hekayəmdə paylaşdım. Nəticədə mesaj qutuma
gələn reaksiyalar məni çox təəccübləndirdi. Rejissorumuz paylaşımında da qeyd
edib ki, bu şəkil rəsmi poster deyil. Çəkiliş ərəfəsində çəkilən bir şəkildir.
Filmin baş rollarında mən və Kəmalə Piriyeva oynayırıq. Hər şey olduğu kimi
yerindədir. Filmimiz tezliklə kinoteatrlarda nümayiş olunacaq, yaxın günlərdə
isə ilk anonsumuz paylaşılacaq”.
Qeyd edək ki, “Evdə qalmış” filmində xalq artisti Həmidə Ömərova, əməkdar
artist Mehriban Xanlarova, aktrisa Firuzə Balayeva, Sanura Cəfərova, Aygün
Akif, Kənan Yusifov, Rüstəm Rüstəmov və başqaları rol alıb.
