Balakəndə itkin düşmüş kişinin axtarışları davam edir.
Bu barədə ÇıxışYolu.Com-a FHN-dən bildiriblər.
Məlumata görə, avqustun 13-də səhər saatlarından başlanan axtarış axşamadək davam edib və çayətrafı ərazilərdə aparılıb.
Axtarış işlərinin bu gün də davam etdiriləcək.
Qeyd olunur ki, axtarışlara Fövqəladə Hallar Nazirliyinin Şimal-qərb Regional Mərkəzinin xilasediciləri, Daxili İşlər Nazirliyinin əməkdaşları və yerli sakinlərdən ibarət könüllülər cəlb olunublar.
13.08.2018. 08.56
Balakən sakini naməlum şəraitdə itkin düşüb.
FHN-dən ÇıxışYolu.Com-a verilən məlumata görə, 1950-ci il təvəllüdlü Ramazanov Süleyman Müslüm oğlu avqustun 10-da Balakən rayonunun İtitala kəndi ərazisində naməlum şəraitdə yoxa çıxıb.
Bu gün səhər saatlarında Fövqəladə Hallar Nazirliyinin Şimal-qərb Regional Mərkəzinin xilasediciləri S.Ramazanovun axtarışlarına cəlb olunub. Hadisə ilə bağlı aidiyyəti dövlət qurumları məlumatlandırılıb. Əlavə məlumat veriləcək.