“Forbes” jurnalı 2018-ci ilin ən çox qazanan aktyorlarının adını açıqlayıb.
ÇıxışYolu.Com xəbər verir ki, bu il siyahıda birinci yeri Corc Kluni tutur.
Aktyor 2018-ci ildə 239 mln. dollar gəlir əldə edib.
Qeyd edək ki, Klunin gəlirləri təkcə aktyorluqla bağlı deyil. Onun “Casamigos Tequila” adlı şirkəti tekila satışı ilə məşğuldur. Bu il də sözügedən şirkət müxtəlif uğurlara imza atıb və gəlirini artırıb.
Onu da bildirək ki, siyahıda ikinci yeri 124 mln. dollar gəlirlə Dueyn Conson, üçüncü yeri isə 81 mln. dollar gəlirlə Robert Dauni tutub.
