Gənc aktyor Yasin Həzirəyə erməni rejissordan film təklifi gəlib.
Bu barədə ÇıxışYolu.Com-a danışan aktyor bildirib ki, o, filmə Rusiyadakı tanışı vasitəsilə dəvət alıb:
“Rusiyada film şirkətində çalışan bir tanışım var. 2016-cı ildə də Vaqif Mustafayevin filmi üçün Bakıya gəlmişdi. Bu yaxınlarda Moskvada və Krımda çəkilməsi planlaşdırılan Rusiya istehsalı bir filmdə rejissorun baş rol üçün məni təsdiqlədiyini dedi. Dörd seriyadan ibarət olan filmdə obrazımın adı “Cavad” idi. Baş rolu canlandırmağım təklif olundu”.
Aktyor bildirib ki, əvvəlcə filmdə oynamağa razılaşsa da, sonradan rejissorun erməni olması onu fikrindən daşındırıb:
“Əvvəlcə filmdə çəkilmək üçün razılaşdım. Sonra isə mənə dedi ki, ekran işinin rejissoru erməni Armenak Nazikyandır. Bu, sənin üçün problem olmaz ki? Mən də ona bildirdim ki, bu, mümkün deyil. Bəlkə də, bəzi aktyorlar düşünərdi ki, iş işdir, rejissorun kim olmağının fərqi yoxdur. Ancaq mən karyeramda məni daha yaxşı yerlərə aparma ehtimalının yüksək olduğu bir filmə “yox” dedim”.
Qeyd edək ki, Yasin Həzirə həm də model kimi fəaliyyət göstərir.
