Türkiyədə FETÖ-yə qarşı əməliyyatlar çərçivəsində “silahlı terror təşkilatı idarəçiliyi” cinayətində ittiham edilən “Oyanış” filminin rejissoru Ali Avcı barəsində altı il üç ay həbs cəzası verilib.
ÇıxışYolu.Com Türkiyə mətbuatına istinadən xəbər verir ki, onun 15 ildən 22 ilə qədər həbsi istənilmişdi.
“Bu film çevriliş olsaydı, necə olardı, onu göstərən bir filmdir. Film bir nəfərlik deyil. Misal üçün, körpünü bağlayarkən, polis şöbəsinin müdiri kömək edir. Filmdə əsas problem olan səhnə Ərdoğanın başına silah dirənilməsi səhnəsidir.
Küçədə uşaqdan da soruşsanız, çevrilişin hədəfinin Ərdoğan olduğunu deyər. Ərdoğan da bunu söyləyər. Bu, bir təbliğat olsaydı, Ərdoğanı namaz qılarkən yox, qaçış planı qurarkən çəkərdim”, – İstanbul Ağır Cəza Məhkəməsində həbs edilən Ali Avcı deyib.
O bildirib ki, bu səhnə ilə heç bir subliminal mesaj verməyib və bəraətini istəyib.
