Gürcüstandan Azərbaycana hərəkət edən mikroavtobus Kvemo Kartli regionunun Aqleti kəndində “Jiquli” ilə toqquşub.
ÇıxışYolu.Com xəbər verir ki, bununla bağlı Gürcüstan KİV Daxili İşlər Nazirliyinin mətbuat xidmətinə istinadla məlumat yayıb.
Hadisə Tbilisi-Qırmızı körpü yolunun 33-cü kilometrliyində baş verib. Qəza nəticəsində mikroavtobusdakı yeddi sərnişin və avtomobilin sürücüsü xəsarət alıb. Yaralılardan dördünün vəziyyəti ağır qiymətləndirilir.
Azərbaycan mediası yaralıların həmyerlilərimiz olduğunu bildirib.
Mikroavtobus sərnişinləri hadisəyə “Jiquli” markalı avtomobilin səbəb olduğunu qeyd ediblər.
Faktla bağlı cinayət işi başlanıb. Günahkarı üç ilədək həbs cəzası gözləyir.