İranda “Kövsər” adlı yeni döyüş təyyarəsinin təqdimat mərasimi keçirilib.
ÇıxışYolu.Com “IRNA” agentliyinə istinadla xəbər verir ki, yüksək rütbəli nümayəndələr, o cümlədən İran prezidenti Həsən Ruhani uçuşu müşayiət edib.
“Kövsər” iranlı mütəxəssislər tərəfindən hazırlanan 4-cü nəslə aid ilk təyyarədir. Onun yaradılmasında bir çox elmi-tədqiqat institutları iştirak edib. O, bort kompüteri, elektron displeyer, hədəfi izləyə bilən və təhlükəni aşkarlayan yeni radarlar və “ağıllı” naviqasiya sistemi ilə təchiz edilib.
Yayımlanan fotolara əsasən, yeni təyyarə 1959-cu ildə istehsal olunmağa başlanan ABŞ-ın F-5 təyyarəsi əsasında hazırlanıb.