“Qarabağ” və Moldovanın “Şerif” komandaları arasında keçiriləcək Avropa Liqasının pley-off mərhələsinin cavab oyununun biletləri satışa çıxarılıb.
ÇıxışYolu.Com-ın Ağdam təmsilçisinin rəsmi saytına istinadən verdiyi xəbərə görə, qiymətlər sektorlara uyğun olaraq, 1 manat, 2 manat, 3 manat, 5 manat və 10 manat arasında dəyişir. VİP biletlər isə 50 manatadır.
Biletlər “Park Bulvar”dakı “Qarabağ” FK Fan-şopunda, Tofiq Bəhramov adına Respublika stadionun kassalarında, “28 Mall”da və onlayn olaraq, iTicket.az saytı vasitəsilə satılır. Biletləri əldə edərkən şəxsiyyət vəsiqəsi təqdim olunmalıdır.
Qeyd edək ki, avqustun 30-da Tofiq Bəhramov adına Respublika stadionunda keçiriləcək “Qarabağ” – “Şerif” matçı saat 21:00-da başlayacaq.
Mərhələnin ilk oyunu isə avqustun 23-də Tiraspolda baş tutacaq.