Fövqəladə Hallar Nazirliyi bu gün “Riyad” Ticarət Mərkəzində baş verən yanğınla bağlı məlumat yayıb.
ÇıxışYolu.Com-ın FHN-nin saytına istinadən verdiyi məlumata görə, Abşeron rayonu, Xırdalan şəhərində ticarət mərkəzinin ərazisində yerləşən mağazanın alkopandan ibarət üzlüyü 340 m² sahədə və qapısı yanıb.
Yanğın zamanı 2 nəfər yüngül yanıq xəsarəti alıb. Mağazanın qalan hissəsi yanğından mühafizə olunub.
Yanğın yanğın bölmələri tərəfindən söndürülüb.
14:47
Abşeron rayonunda “Riyad” Ticarət Mərkəzində güclü yanğın başlayıb.
ÇıxışYolu.Com-ın məlumatına görə, yanğın ticarət mərkəzindəki mebel dükanının anbarında qeydə alınıb.
Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib.