İyulun 10-da Cənubi Afrika Respublikasında qəzaya uğrayan təyyarənin sərnişinləri düşmə anını kamera ilə lentə alıblar.
ÇıxışYolu.Com xəbər verir ki, bununla bağlı News.com.au portalı məlumat yayıb.
Kadrlarda təyyarənin sol qanadındakı mühərrikin yanması əks olunub.
“Vəziyyət pisləşir. Hər şey pisdir”, – sərnişinlərdən biri deyib.
Bir neçə dəqiqə sonra ekran qaralır, laynerin salonuna tüstü dolur.
Xatırladaq ki, iyulun 10-da Cənubi Afrika Respublikasının Pretoriya şəhəri yaxınlığında sərnişin təyyarəsi qəzaya uğrayıb. Hadisə zamanı iki nəfər həlak olub, 18 nəfər yaralanıb.