Sumqayıt-Bakı elektrik qatarının gecikmə səbəbi AÇIQLANDI – YENİLƏNİB + FOTO
Bizim WhatsApp kanalımıza buradan abunə ola bilərsiniz
Bu gün Sumqayıt-Xırdalan-Bakı istiqamətində hərəkətdə olan elektrik qatarının
20 dəqiqə gecikməsi həqiqəti əks etdirmir.
Bu barədə Cixisyolu.com-ın sorğusuna cavab olaraq “Azərbaycan Dəmir Yolları” QSC-nin
Mətbuat Xidmətinin rəhbəri Sənubər Nəzərova məlumat verib.
O bildirib ki, qatar cəmi 4 dəqiqə dayanmaqla hərəkətini davam etdirib:
“Qatarın dayanmasına səbəb rabitə və işarəvermə qurğularında yaranan bir neçə
dəqiqəlik nasazlıq olub. Belə ki, işıqfor 3-4 dəqiqə qırmızı işığı
göstərdiyindən qatar dayanmalı olub. Cəmi 4 dəqiqə sonra isə hərəkətini davam
etdirib”.
10:32
Sumqayıtdan Bakı istiqamətində hərəkət edən elektrik qatarı yolda qalıb.
Cixisyolu.com-ın məlumatına görə, söhbət Sumqayıt-Xırdalan-Bakı marşrutu üzrə hərəkət
edən qatardan gedir.
Hazırda qatarın Biləcəri yaxınlığında yolda dayandığı bildirilib. Qatarın
hansı səbəbdən dayandığı sərnişinlərə elan edilməyib. Nəticədə 20 dəqiqədən çox
gecikmə olub.
Könül Cəfərli
