“Sumqayıt” klubu Rumıniya və Özbəkistan komandaları ilə oynayacaq
Bizim WhatsApp kanalımıza buradan abunə ola bilərsiniz
“Sumqayıt” klubu təlim-məşq toplanışı keçmək üçün bu gün Türkiyəyə yollanıb.
Cixisyolu.com-ın məlumatına görə, Premyer Liqa təmsilçisi Antalya şəhərinin Lara
bölgəsində hazırlıq keçəcək.
Komanda yanvarın 17-dək davam edəcək hazırlıq prosesi çərçivəsində iki yoxlama
oyununda gücünü sınayacaq. Samir Abasovun yetirmələri yanvarın 12-də
“Hermanştadt” (Rumıniya), 16-da isə “Soqdiana” (Özbəkistan) klubları ilə üz-üzə
gələcək.
Qeyd edək ki, “Sumqayıt” Premyer Liqada ilk yarıdan sonra 27 xalla dördüncü
pillədə qərarlaşıb.