Sumqayıtda piyadanın ölümü ilə nəticələnən yol-nəqliyyat hadisəsi baş verib.
Bu haqda ÇıxışYolu.Com-a Daxili İşlər Nazirliyindən məlumat verilib.
Məlumatda bildirilib ki, hadisə martın 28-də, saat 01:00 radələrində S.Vurğun küçəsində baş verib.
Şəhər sakini Mahir Musayev idarə etdiyi “Mercedes” markalı avtomobillə yolu keçən Zaur Nağıyevi vurub. Nəticədə piyada hadisə yerində ölüb.
Faktla bağlı Sumqayıt ŞPİ tərəfindən araşdırma aparılır.