Tehran Suriyada müharibənin baş çatmasından sonra ölkənin yenidən qurulmasında iştirak edəcək.
ÇıxışYolu.Com xəbər verir ki, bu barədə “Təsmin” agentliyi məlumat yayıb.
İranın nəqliyyat naziri Abbas Axundi ölkənin həm dövlət strukturlarının, həm də özəl müəssisələrinin Suriyanın yenidənqurma layihələrinə sponsorluq etməyə hazır olduqlarını bildirib.
“Yeddi il davam edən böhran və müharibədən sonra, Suriya yeni mərhələyə qədəm qoyub və İran onun bərpasında zəruri rol oynayacaq”, – deyə Axundi bildirib.
Suriyanın baş naziri İmad Hamis ölkənin qonşunun yardımını qəbul etməyə hazır olduğunu vurğulayıb.
Qeyd edək ki, mayın 18-də Suriyanın Homs vilayətinin Tel-Bisə şəhərində yenidənqurma və təmir işlərinə başlanılıb. Mayın 15-də isə Suriyada son beş il ərzində ilk dəfə olaraq Dəməşq və Homsu birləşdirən avtomagistralın açılışı olub.
Magistral döyüşlər zamanı yaraqlılar tərəfindən məhv edilmişdi.