Hindistanda gəminin çevrilməsi nəticəsində azı 7 nəfər həlak olub.
TASS xəbər verir ki, hadisə Qərbi Benqal ştatındakı Çançal şəhərində, Mahananda çayında baş verib. Hadisə zamanı 50-dən çox insan itkin düşüb.
Qeyd edilir ki, qəza zamanı gəmidə 70-dən çox insan olub. İlkin məlumata görə, qəzaya gəminin sərnişinlərlə normadan artıq doldurulması səbəb olub.
Hadisə yerində axtarış-xilasetmə əməliyyatı aparılır.